O CD Barco e o Fabril asinaron táboas (1-1) no campo de Calabagueiros en partido correspondente á 27ª xornada en Terceira RFEF. É o segundo empate consecutivo dos fabrilistas despois do da semana pasada en Abegondo ante o Xuvenil de Ponteareas.
Os locais adiantáronse na primeira metade, minuto 22, grazas a un gol de David Álvarez; aínda que o filial deportivista quizais fixo méritos para non recibir este castigo.
Após o descanso, Javi Sanmartín subiu ao marcador o merecido empate nun partido disputado de poder a poder.
Con este resultado, o Fabril queda con 33 puntos na zona media alta da clasificación.
Fabril: Alberto, Iván Guerrero, David Suárez, Dani Barcia, Iano Simao, Barba, Brais Val, Runy, Javi Sanmartín, Mella e Davo. Tamén xogaron: Yeremay, Nájera, Jairo, Juan Cambón e Fabio.
A próxima fin de semana, o Fabril recibe en Abegondo ao Alondras CF.
Os resultados do Fabril até a data son os seguintes:
Fabril 0 - Racing Villalbés 0 Noia CF 0 - Fabril 3 (Davo -2- e Yeremay) Fabril 2 (Runy e Yeremay) - Viveiro CF 0 Polvorín FC 1 - Fabril 0 Fabril 1 (Davo) - CD Choco 0 Ourense CF 0 - Fabril 0 Fabril 2 (Davo -2-) - SD Sofán 0 SD Xuvenil de Ponteareas 0 - Fabril 0 Fabril 2 (Runy e Fabio) - CD Barco 1 Alondras CF 1 - Fabril 0 Fabril 3 (Yeremay -2- e Runy) - UD Somozas 0 CSD Arzúa 2 - Fabril 1 (Runy) Silva SD 1 - Fabril 2 (Davo e Dani Barcia) Fabril 1 (Javi Sanmartín) - CD Estradense 2 Rápido de Bouzas 3 - Fabril 1 (Davo) Racing Villalbés 1 - Fabril 0 Fabril 0 - CF Noia 0 Viveiro CF 1 - Fabril 0 Fabril 4 (Davo -3- e Nájera) - Polvorín FC 1 Fabril 2 (Runy e Davo) - Atlético Arnoia 0 CD Choco - Fabril, aprazado Fabril 0 - Ourense CF 1 SD Sofán - Fabril, aprazado Fabril 1 (Runy) - SD Xuvenil de Ponteareas 1 CD Barco 1 - Fabril 1 (Javi Sanmartín)