Teresa Abelleira, nova titularidade e gol coa Selección Española Sub-19
Teresa Abelleira consolídase na Selección Española Sub-19. Así, hoxe xoves 14 de setembro ante Italia, a centrocampista e capitá do Deportivo ABANCA saíu no once inicial e anotou no minuto 44 o primeiro dos dous goles españois que deron o triunfo fronte ás italianas (0-2).
A xogadora branquiazul xogou 82 minutos e foi substituída por Anna Torroda.
O pasado martes, Teresa Abelleira tamén foi titular no empate (2-2) entre ambas as seleccións. Neste caso, a futbolista galega estivo sobre o céspede 71 minutos.
Mañá venres, a internacional deportivista regresará á Coruña. Este domingo, o Deportivo ABANCA disputa en Ponte dos Brozos (Arteixo) ante o CPM Friol (16:30 horas) o seu primeiro partido na Primeira Fase da Copa Galicia feminina.