Todo para o Celta que venceu 1 - 2 merecidamente a un descoñecido Deportivo
Hai 25 anos era noticia na cidade herculina a derrota do equipo branquiazul ante un Celta que se mostrou pletórico de xogo e moral, ata o punto de que ben pode asegurarse que foi o mellor equipo que pasou esta tempada polo Estadio coruñés.
O "derby" galego tivo nesta ocasión un desenlace de cor celeste. Non rendeu o Deportivo como no seu anterior partido en Riazor fronte ao Murcia, coa singularidade de que enfronte tivo a un rival de superior entidade. Os fallos defensivos branquiazuis (imputables aos laterais) motivaron que tanto Vavá como Sanromán movésense sen maiores problemas polas súas respectivas bandas, se a isto engadimos que o centro do campo coruñés non estivo á altura das circunstancias e que na vangarda só se facía notar o entusiasta Alfonso Castro, non pode sorprender que o Celta conseguise a vitoria.
O once inicial por parte do Deportivo estivo formado por: Buyo, Pardo, Piris, Rodri, Nuñez, Galego, Pousada, García, Cantudo, Piña e Castro. Destacando de entre eles ao arxentino Piris que houbo de multiplicarse para tratar de cubrir os ocos que deixaban os seus compañeiros de cobertura, mesmo nun remate de cabeza foi o xogador que anotou o gol branquiazul.