O Dépor completou esta mañá unha nova sesión no Dépor Training Center co obxectivo de "seguir a mesma liña" este domingo 12 de abril ás 16:15 (LaLiga TV Hypermotion) en El Alcoraz ante a SD Huesca do partido da pasada fin de semana en ABANCA-RIAZOR ante o Málaga CF, segundo apuntou Luismi Cruz na sala de prensa.
O atacante gaditano insiste neste momento da temporada en "remar todos na mesma dirección".
O corpo técnico dispuxo, após unha activación, un exercicio de posición, unha tarefa táctica e fútbol reducido para concluír.
Luismi desvelou que do partido ante os malagueños "analizamos o que fixemos ben e o que fixemos mal. Sempre hai cousas que mellorar e tamén moitas cousas que fixemos ben".
David Mella é o único futbolista con adestramento personalizado.
Álex Marqués, Bil e Noé foron os representantes de ANOSACANTEIRA.
Este xoves 9 de abril Os Nosos adestraranse a partir das 10:30 no Dépor Training Center.