Traballo táctico defensivo na segunda sesión semanal do Deportivo
O Deportivo fixo especial fincapé esta mañá, na segunda sesión semanal do primeiro equipo, no traballo defensivo.
Rubén de la Barrera dispuxo dous exercicios tácticos coa defensa como protagonista nos campos 2 e 3 da Cidade Deportiva.
Un traballo de posesión de balón despois dun quecemento puxo o punto e final á sesión sobre o céspede dunha semana longa, posto que aínda restan catro adestramentos máis antes de recibir ao Zamora CF este domingo 28 de marzo ás 12:00 en ABANCA-RIAZOR.
Cos fabrilistas Adri Castro e Alberto no grupo, adestráronse á marxe Derik, Celso Borges, Héctor e Mujaid.
Mañá mércores, o Dépor arranca o traballo no céspede a partir das 10:30 horas.