O Deportivo achegará de novo dous futbolistas a uns adestramentos da selección española sub-16, na Cidade do Fútbol de Las Rozas (Madrid) do luns 10 ao mércores 12 de decembro.
Ambos pertencen ao cadro do Cadete A de a División de Honra:
Álvaro Pérez Campo 'Trilli' (Ortigueira, A Coruña, 19 de maio de 2003) xoga como lateral dereito. Cumpre a súa quinta campaña na estrutura branquiazul.
Hugo Novoa Ramos (Bertamiráns-Ames, 24 de xaneiro de 2003) actúa de extremo. Novoa está na súa sexta temporada nas filas deportivistas.
Só Atlético de Madrid, Real Madrid CF e Vilarreal CF achegan máis futbolistas que o Dépor, con 4 os dous primeiros; e 3 o terceiro.
Os branquiazuis están ao mesmo nivel que a Valencia CF e Sevilla CF, todos eles con 2 xogadores; e por diante de clubs da talla do Espanyol, Athletic Club ou Levante UD, entre outros, cun futbolista seleccionado.
Presenza habitual esta temporada en Las Rozas
Esta campaña, ademais de Trilli e Hugo Novoa foron citados os seguintes canteiráns deportivistas:
-Mujaid (central do Fabril): Xogos do Mediterráneo coa sub-19
-Sergio González (mediocentro cedido no San Tirso SD cadete): Adestramentos coa sub-15
-Juan Rodríguez Lima (central do Xuvenil B) e Íker Piedra Branco (porteiro do Xuvenil B): Adestramentos coa sub-17
-Sergio Bernárdez (mediocentro cedido no San Tirso SD): Torneo Sportchain AGS Cup
Por conseguinte, a factoría de Abegondo aos poucos vaise convertendo nun referente para os diferentes seleccionadores nacionais.
