Triunfo do Alevín na primeira xornada do Trofeo Conservas Calvo de fútbol once
O Alevín deportivista comezou hoxe venres 4 de marzo en Abegondo con vitoria (9-1) ante o Atlético Coruña Montañeros CF, a XII edición do Trofeo Conservas Calvo de fútbol once.
Raul -3-, José Quiroga, Nico, Iago Varela, Guille, Pablo Vara e Antón foron os goleadores nun partido dominado polos branquiazuis.
Alevín: Lucas López, Javi Barral, Nico, Hugo, Guille, Lucas Vázquez, José Quiroga, Antón, Pablo Vara, Iago Varela e Martín Forján. Tamén xogaron: Marín, Raúl, Iago Lameiro e Gabri.
O cadro branquiazul ten estoutros rivais no grupo norte ademais do Atlético Coruña Montañeros CF: CD Lugo, CD Calasanz, Racing de Ferrol, San Tirso SD, Victoria CF, SD Residencia, Galicia Caranza e ED Luis Calvo Sanz.
O formato de competición nesta primeira fase será de liga todos contra todos a unha soa volta. Os tres primeiros clasificados acceden á Fase Final, que se disputará, cos tres primeiros do grupo sur, nas Eiroas (Carballo) nunha única xornada.
A próxima fin de semana, o Alevín visitará ao CD Lugo.