Os dous equipos alevíns (o A na foto principal da noticia) do RC Deportivo que compiten na Primera Futgal A Coruña adiantaron os seus partidos da xornada 21ª a este martes 24 de febreiro no campo de herba sintética do Dépor Training Center.
Os encontros finalizaron con triunfo deportivista ante o Sporting Cambre o Alevín A (9-0) e fronte ao Atlético Coruña Montañeros CF (2-5) o Fabril FC Alevín 8 (foto inferior).
O motivo do cambio de data vén producido porque a fin de semana o Alevín A ten que xogar dous encontros (un deles correspondente á xornada da pasada semana) do Trofeo Conservas Calvo de fútbol 11 e o Fabril FC Alevín disputará a UGS Champions Cup 2026 na cidade suíza de Ginebra.
Os resultados deste martes 24 foron os seguintes:
21ª xornada: ALEVÍN A 9 (Alberto Novo -3-, Adrián Liñares -2-, Álex Casado, Yago Espasandín, Andrés Valencia e Adrián Míguez) - SPORTING CAMBRE 0
21ª xornada: ATLÉTICO CORUÑA MONTAÑEROS CF 2 - FABRIL FC ALEVÍN 5 (Leo Galbán -2-, César Leira, Pablo Gómez e Pablo Martelo)
Clasificación da Primera Futgal A Coruña: 1. Alevín A (un partido máis), 58 puntos; 2. Fabril FC Alevín (un partido máis), 54 puntos; 3. Victoria CF, 52 puntos...
