O decano dos torneos estivais en España, o Teresa Herrera, que este ano alcanza a súa 70ª edición, xogarase a partido único en Riazor o 8 de agosto (20.00 horas) co Deportivo e o Sporting Clube Braga como protagonistas.
Todos os socios do Real Club Deportivo que teñan o seu carné renovado ou retirado por primeira vez para esa data poderán acceder libremente co mesmo ao Estadio Municipal de Riazor para presenciar en directo o tradicional debut do Dépor na Coruña.
O Dépor encabeza o palmarés do decano, con 18 'torres', por diante dos grandes como o Real Madrid (9 trofeos), Atlético de Madrid (6) e FC Barcelona (5).
Pola súa banda, a 64ª edición do Trofeo Emma Cuervo dispútase no Estadio Pepe Barreira de Ribadeo o próximo 25 de xullo (19.30 horas). O Deportivo enfrontarase ao CD Lugo.
Neste caso, o Dépor posúe 9 trofeos, igualado co Celta. Por diante marcha o Real Oviedo, que encabeza o palmarés con 15.
A última vez que o equipo deportivista disputou o Emma Cuervo foi no verán de 2012, caendo derrotado ante o Sporting de Xixón (1-4).
