Un grave erro do colexiado decantou ao lado do Tachira o último partido do Dépor en Venezuela
Un gravisimo e sospeitoso erro técnico do colexiado do partido, de nacionalidade venezolana, ao interpretar como cesión un pase co xeonllo de Rochela a Fabricio no minuto 75, decantó o último encontro amigable do Deportivo en V
O Tachira saíu mellor ao partido ante un Deportivo que saltou ao campo cun once inédito e con futbolistas que menos minutos disputaran nesta pretemporada. Pronto os locais fixeron valer a súa mellor condición física, a liga empeza este domingo en Venezuela, e puxéronse con 2-0 no marcador. O Deportivo apenas inquietou a meta local.
Tras o descanso, o partido cambiou de cor. O Deportivo fíxose dono da pelota e o Tachira apenas saíu do seu campo. Pablo Álvarez, no minuto 50, cabeceou no segundo pau á rede unha prolongación de Juanan nun saque de esquina. As oportunidades sucedíanse na área do Tachira. 15 minutos máis tarde, Andrés Gardado fai unha excelente xogada desde a súa posición zurda e, tras regatear a varios contrarios, é derrubado na área cando se dispuña a encarar ao porteiro venezolano. Omar Bravo colleu a pelota e marcou desde o punto de penalti o empate a dous goles. Era o primeiro gol do internacional mejicano coa camiseta branquiazul.
O partido seguiu dominado polo Deportivo ata o grave erro do colexiado do partido.
O Deportivo formou con: Fabricio, Laure, Adrián López, Ze Castro (m. 46, Rochela), Juanan, Gardado, De Guzman, Verdú, Cristian (m. 68, Bodipo), Mista (m. 46, Pablo Alvarez) e Xisco (m. 46, Omar Bravo).