Unhas 200 persoas xa visitaron o Estadio de Riazor nos primeiros días das visitas guiadas
Unhas 200 persoas xa participaron no programa de visitas guiadas ao Estadio de Riazor que se prolongará en principio durante os meses de xullo e agosto. As visitas desenvolveranse de luns a sábado, co seguinte horario: Polas mañás ás 11.00, 12.00 e 13.00
Cada visita, acompañada por técnicos culturais do Real Club Deportivo, durará 45 minutos e custará 3 euros, con agasallo dun detalle do Club incluído.
Entre os lugares que os grupos poden ver son, ademais do terreo de xogo, as bancadas, zona de prensa, zona mixta e sala de prensa, palco presidencial, corredor de vestiarios e os trofeos da Deportienda e a Praia Club. Os interesados deben dirixirse á porta 27 de acceso a Tribuna Superior, xusto na rampla que está sobre a Deportienda, uns minutos antes da hora de cada visita.
Esta actividade organizada polo Real Club Deportivo experimentou un notable crecemento desde que se iniciou, coincidindo coa ampliación do horario de visitas e coas demandas dos propios afeccionados que se dirixían ao Club pedindo pasar ao interior do Estadio de Riazor. No ano 2004 os visitantes roldaron os 1.200. Ao ano seguinte, 2005, foron xa 1.300 persoas os que se pasaron polo coliseo deportivista os dous meses de verán. O ano pasado, no 2006, o crecemento foi espectacular cunhas 2.000 persoas, "na súa maioría turistas que ven a esta instalación como un dos referentes da cidade", comenta Ernesto Pérez, coordinador do Programa.
