Uxío da Pena Gutiérrez, máximo goleador do Fabril na temporada recentemente finalizada, renovou como xogador do filial deportivista, que militará por segunda campaña consecutiva na categoría de bronce do fútbol nacional.
O dianteiro lucense será fabrilista a vindeira temporada, após unha exitosa estrea en Segunda B, na que se converteu en peza fundamental da mellor temporada da historia do segundo equipo branquiazul.
Uxío, que marcou 9 goles na liga regular e outros 2 nos playoffs, mostrouse como un xogador importante tanto no vestiario como fóra do terreo de xogo grazas ao seu esforzo e ao seu compromiso.
