Vitoria na Lomba ante o Arosa SC no primeiro dos dous amigables do Fabril desta semana
O Fabril impúxose pola mínima (0-1) ao Arosa SC nun novo partido amigable de pretemporada para os pupilos de Óscar Gilsanz.
Na primeira metade debutaron as últimas incorporacións fabrilistas, os galegos Damián Canedo e Darío Germil. Precisamente este último foi o autor do gol do triunfo no minuto 28.
Puido aumentar a súa renda pouco despois Kevin Sánchez, pero o seu lanzamento desde o punto de penalti detívoo o gardameta local Álex Vila.
Ao descanso chegouse con este marcador.
Após o paso polos vestiarios, e co carrusel de cambios, o marcador xa non se movería; a pesar de que o Arosa SC quedou cun xogador menos por expulsión de Pacheco.
Fabril: Hugo Ríos, Kike Teijo, Aarón, Marotías, Damián, Alfaro, Garrido, Guerrero, Luisao, Kevin e Darío. Entraron ao longo da segunda metade: Mardones, Hugo Villaverde, Álex Delgado, Íker Vidal, Vilela, Dylan, Domínguez, Álex Delgado e Noé.
A próxima cita para o Fabril será este sábado 24 de agosto ás 19:00 no Estadio Vero Boquete de San Lázaro ante a SD Compostela.
Até a data, os resultados dos amigables do Fabril foron os seguintes:
Fabril 1 (Jaime Garrido) - Silva SD 0 Memorial Lisardo Campos: Atlético Arteixo 0 - Fabril 3 (Noé, Rubén Fernández e Domínguez) CD Lugo 3 - Fabril 0 Fabril 1 (Luisao) - Bergantiños CF 0 Fabril 4 (Guerrero -2-, Dani Estévez e Dylan) - CD Estradense 0 Racing Villalbés 0 - Fabril 3 (Javi, Noé e Nájera) Trofeo San Roque: Betanzos CF 1 - Fabril 0 Fabril 1 (Kevin Sánchez) - CD Arenteiro 0 Arosa SC 0 - Fabril 1 (Darío Germil)