Hoxe completouse a primeira semana da campaña de abonos 2017-2018 con 768 operacións, 38 delas altas e 56 renovacións web, para situar o número de socios en 4.626.
Lémbrase a todos os socios ou futuros abonados que, co fin de minimizar a espera na Oficina de Atención ao Deportivista, teñen á súa disposición o servizo de cita previa. A través da páxina citaprevia.rcdeportivo.es, calquera afeccionado pode asegurarse unha hora de atención para retirar o seu abono. Para mañá ten quenda 111 e 1.535 dos abonados utilizaron o servizo.
Igualmente, os afeccionados poden renovar ou darse de alta (isto último só nas modalidades de Socio Amigo ou Nen@ Dépor) na páxina abonos.rcdeportivo.es ou por teléfono, mediante o servizo de ABANCA, no número 902 434 443.
Os despachos de billetes da OAD permanecerán abertas ata o venres de 10:00 a 14:00 e de 16:00 a 20:00 horas. O sábado, o seu horario será de 10:30 a 13:30 horas.
Para calquera dúbida ou problema, os afeccionados branquiazuis poden poñerse en contacto coa OAD en atencion.deportivista@rcdeportivo.es ou no teléfono 981 259 500 extensión 1.
