O dianteiro deportivista Xisco foi citado por Iñaki Sáez para o partido clasificatorio para o Campionato de Europa Sub-21 que disputarán o próximo venres 12 de outubro as seleccións de Polonia e España.
Xisco recuperou o pasado domingo en Montjuic a titularidade co Deportivo e, segundo afirmou Lotina en rolda de prensa este mércores, ten moitas opcións de repetir o vindeiro domingo en Sevilla.
O canteirán únese ás convocatorias de Coloccini con Arxentina, Gardado con México e Aouate con Israel.