Ze Castro e Bodipo representarán ao Deportivo no partido benéfico ''Champions for Africa''
Os xogadores do Deportivo Ze Castro e Bodipo foron convidados para participar no partido benéfico "Champions for Africa" que se disputa no Estadio Santiago Bernabéou o próximo martes 22 de decembro.
Así, o central portugués aliñarase na Selección da liga BBVA que capitanea Sergio Ramos. Bodipo formará coa Selección de UNICEF, cuxo capitán é o sevillista Kanouté, e na que participarán entre outros, o barcelonista Touré Yayá...
Precisamente, a Fundación Rodolfo Bodipo, en colaboración coa Pena Deportivista Casa Freire que preside Luís Lourido, recollen este nadal xoguetes, roupa en bo estado, material escolar e alimentos non perecedoiros que terán como destino as persoas máis desfavorecidas. Os interesados en doar poden dirixirse ao teléfono 629-639652 ou ben na sede social da Pena Deportivista Bodipo Casa Freire en Soñeiro (Sada).
