O adestramento do Deportivo desta mañá estivo orientado á forza, con varios exercicios supervisados polos preparadores físicos Julio Hernando e José Ángel Franganillo.
Un traballo de finalizacións e un exercicio defensivo puxo o punto e final ao adestramento sobre o céspede.
Ademais dos fabrilistas Óscar e Nacho Monsalve, todos os futbolistas saltaron ao céspede, excepto Fayçal Fajr, que hoxe regresa a Marrocos procedente de Gabón, onde disputou a Copa de África.
Mañá mércores hai unha nova sesión de adestramento, ás 11:00 en Abegondo.
