Gael Kakuta subliñou esta mañá na sala de prensa de Abegondo que "aceptamos o enfado dos afeccionados porque necesitabamos puntos e nin sequera conseguimos".
Apoiada na tradutora do Club Bibiana Santiso, confesa o atacante francés estar decepcionado despois de derrótaa fronte ao Alavés: "Vin aquí a axudar ao equipo. O meu disparo o pasado sábado estrelouse contra o traveseiro. Se entrase fose outro tipo de partido".
A pesar da xeira de resultados negativos neste 2017, asegura Kakuta que "o ambiente no vestiario é fantástico. Enfadándonos non conseguimos nada. Hoxe a sesión foi moi ben, estamos a traballar para mellorar os resultados".
Ve o partido do próximo sábado en Leganés (18:30, Bein Sports) como unha final: "Todos os partidos son finais. Necesitamos gañar todos os partidos", recalca.
Vaticina "un gran partido" en Butarque "ante un rival directo. O equipo vai loitar para conseguir eses tres puntos".
A nivel persoal, lembra que vén "dun país distinto, dunha cultura futbolística diferente. Isto para min é unha pretemporada. Estou a traballar para estar ao cento por cento. Non o estou aínda".
