O Victoria, en categoría Benxamín, e o Calasanz, en Prebenxamín, proclamáronse campións da XXII edición do Mini Teresa Herrera, que se disputou esta tarde no Estadio ABANCA-RIAZOR.
Na final Benxamín, o Victoria impúxose ao Calasanz por 5-3, mentres que no torneo Prebenxamín foi o Calasanz o que derrotou ao Victoria por 3-1.
Campións e subcampións recibiron os seus trofeos sobre o céspede do Estadio ABANCA-RIAZOR despois dunha xornada inesquecible, na que numeroso público ocupou os asentos de ambos os fondos, Pavillón (metade do campo na que se disputou a final Benxamín) e Marathón (onde se xogou a final Prebenxamín).
