Para o defensor branquiazul, os culpables de que o equipo estea en descenso "somos todos. Cando gañamos festexamos todos e cando perdemos o mesmo". Non cre que sexa o "o que deba falar de fichaxes. Para iso está o técnico e o Presidente".

Recoñeceu Coloccini que onte, o Atlético de Madrid "estivo un punto por encima de nós", aínda que, ao seu xuízo, "o partido era de cero a cero cravado. O que ocorre é que nos marcaron un gol nun descoido e logo xa manexaron o partido".

Esta mañá, o técnico reuniuse co seu persoal na sala de vídeo. Na pantalla, imaxes do partido de onte. "Polo que pasou neste último partido hai moito que corrixir. Se collemos outros, só detalles", comentou Coloccini. Por fin, o "cinco" deportivista defende que os seus compañeiros son conscientes da situación que atravesa o equipo: "Moitos equipos quixesen estar na nosa situación, pelexando por subir a Primeira División. Ademais, un descenso márcache a túa carreira", reflexionou Coloccini.