Fabricio: Nin me expoño un descenso. Esa palabra non pode entrar neste vestiario

Do partido deste venres 13 de marzo en Mestalla (20.45, Gol T e Canle + Liga), Fabricio subliña que "temos que facer un partido perfecto para sacar un resultado positivo". Da Valencia, di que "é un grandísimo rival, que vai crecer moito durante estes próximos anos. Investiron moito nese club. Apostaron por grandes xogadores e vai ir crecendo co paso do tempo. Será un dos próximos firmes candidatos a gañar o título de Liga".

Cre que o outro día ante o Sevilla, o equipo "concedeu moitas facilidades. Igual lanzámonos demasiado a buscar o empate ante un rival que nos esperou máis atrás cando meteu o segundo gol. Ten xogadores rápidos e desequilibrantes polas bandas. E fixéronnos moito dano. Igual nos descolocamos, fómonos demasiado arriba e pecamos de éso. Igual de ter un pouco máis de tranquilidade e de ser un equipo máis equilibrado".

De face ao futuro, Fabricio pide ser "máis compactos. O outro día estivemos máis desorganizados, máis descolocados. E custounos o partido".

Sobre a súa continuidade no Deportivo, o porteiro branquiazul lembra que está "moi contento aquí. Esta é a miña casa. A partir de que nos salvemos, á hora seguinte estamos sentados para reunirnos e falar do importante que sería para min poder estar aquí. Pero todo pasa por salvarnos. Agora mesmo ningún de nós pode pensar no aspecto individual cando nos estamos xogando a vida, coa corda no pescozo para lograr o noso obxectivo que é a salvación".