O DéporCampus Cabreiroá 2025, a principal actividade social que chega da man da Fundación RC Deportivo, vive a súa semana grande.
Uns 600 nenos e nenas participan desde este luns na terceira quenda de Abegondo e a segunda de Caranza; ademais das sedes do Colexio Internacional de Eirís, Monforte, Ourense, Santa Comba e Vila de Marín.
Os DéporCampus Cabreiroá empregan o método Dépor, impartido por adestradores do Club; e baseado no respecto polo rival, o xogo limpo e o esforzo.
Toda a información sobre cada sede, quenda, horarios e demais preguntas frecuentes atópase en deporcampus.rcdeportivo.es, onde se pode realizar todo o proceso de inscrición e contacto.
Último día de inscrición o martes 8 de xullo para varias sedes
Así mesmo, este martes 8 de xullo ás 14:00 conclúe o prazo de inscrición para as sedes de Cuntis e Silleda; contando con que as de Abegondo, Bertamiráns, Boiro e Vilalba están xa esgotadas.
Precisamente os interesados en quendas que estean esgotadas poden anotarse nunha lista de espera. Para iso deben mandar un correo a deporcampus@rcdeportivo.es cos seguintes datos: Nome e apelidos do participante, teléfono, correo electrónico e quenda/s semanal/ais nas que está interesado.
A novidade este ano 2025 nas diferentes sedes dos DéporCampus Cabreiroá 2025 é que canteiráns e canteirás deportivistas son os encargados cada semana de repartir os diplomas acreditativos.