Fabril, Xuvenil A e Xuvenil B volven mañá sábado 2 de xaneiro aos adestramentos
Tres equipos de #ANOSACANTEIRA retoman mañá sábado 2 de xaneiro os adestramentos: Fabril, Xuvenil A e Xuvenil B. Todos eles saltarán ao céspede da Cidade Deportiva a partir das 17:00 horas.
Os demais equipos tómanse uns días máis de vacacións con motivo das festas do Nadal.
A actividade competitiva regresa para os diferentes equipos que están xa en competición a fin de semana do 9 e 10 de xaneiro.
Así pois, as datas de volta aos adestramentos en Abegondo son as seguintes:
Fabril: Sábado 2 de xaneiro ás 17:00 Deportivo ABANCA B: Luns 4 de xaneiro ás 10:00 Xuvenil A: Sábado 2 de xaneiro ás 17:00 Xuvenil B: Sábado 2 de xaneiro ás 17:00 Cadete A: Luns 4 de xaneiro ás 10:00 Cadete B: Martes 5 de xaneiro ás 10:00
Os demais equipos de #ANOSACANTEIRA iniciarán a súa actividade a partir do 10 de xaneiro.
Arranque das competicións para cadetes, infantís, alevíns e benxamíns
A Real Federación Galega de Fútbol anunciou o inicio das competicións para o Cadete A, Cadete B e Infantil A.
Iso si, segundo lembra o ente autonómico, o regreso aos terreos de xogo estará sempre supeditado ás condicións sanitarias.
As datas definitivas até o momento son as seguintes:
-Cadete A (División de Honra): 31 de xaneiro -Cadete B (Liga Galega): 31 de xaneiro -Infantil A (Liga Galega): 31 de xaneiro
As demais datas que barallan os responsables federativos son as seguintes:
-Infantil B (Primeira Autonómica): segunda quincena de febreiro -Alevín A, Alevín B, Benxamín A e Benxamín B (competicións de fútbol 8): finais de febreiro
Os futbolistas de #ANOSACANTEIRA do Cadete Á o Benxamín B non terán que pasar test serolóxicos, antíxenos ou similares; pero por contra si será necesario o uso de máscara para os adestramentos e a competición.