RCD / NOVAS

Fernando Vázquez pide aos afeccionados que "estean tranquilos. Hai que confiar. Hai que confiar tamén que podes fallar"

18/01/2020 20:10

Fernando Vázquez aclarou en rolda de prensa respecto da convocatoria de Claudio Beauvue após 1 adestramento que "noutra situación diferente me autoesixiría ver ao futbolista con máis atención, con máis tempo. Pero nestes momentos de súper emerxencia hai que asumir riscos, e ímolos a asumir".

O técnico deportivista sostén que o pasado xoves ante o Real Racing Club "gañamos o partido máis importante desta dupleta. Gañamos os 3 puntos, eles non sumaron, gañamos golaverage que era o importante. Se fas unha media, tanto de 2 partidos 4 puntos ou 3 partidos 7 puntos, as 2 dan para salvarse. Aquí non houbo maxia de ningún tipo. Hai que contemplar sempre onde estamos, hai que contemplar sempre a posibilidade de perder, porque imos perder. A derrota forma parte da competición. Pero está claro que o espírito do equipo, ademais coas novas incorporacións, dan ese empuxe que hai que saber ver".

Advirte neste sentido que "gañamos en Numancia, gañamos o outro día e todo parece máis fácil. Pero no camiño pode haber trampas onde menos esperas. Temos que facer 36 puntos na segunda volta. Eu miro a miña clasificación. Teño unha clasificación en casa e miro en que posición vai o Deportivo nesta segunda volta. E así llo digo aos xogadores para que a primeira volta non conte.

Do Cádiz CF, rival mañá domingo 19 de xaneiro en ABANCA-RIAZOR (16:00 horas, #Vamos), resalta o seu inicio, "cunha animalada de puntos de vantaxe. E de súpeto tes unha pequena crise. Non está a ter demasiada sorte nos últimos minutos de partido. A min gústame, gústame como afrontou a competición desde o inicio. Pero a Segunda División é súper longa, súper complicada, súper igualada e gañar partidos é moi difícil; incluído o Cádiz, que van de líderes ou precisamente porque van de líderes. A nós pasounos (a temporada do ascenso), que tivemos un momento dubitativo na segunda volta".

Asume a súa condición de ídolo do deportivismo con naturalidade: "Gústame implicar á afección dentro do proxecto da segunda volta. Estou encantado. Satisfaime en grao sumo. Non son ningún mago. Se cadra estamos a ter un pouco de sorte. Agrádame a situación e non teño ningún problema. É un traballo que me corresponde facer polo Club".

Tenta dicirlles aos afeccionados cada vez que sae de ABANCA-RIAZOR entre multitudes que "hai que estar tranquilos. Hai que confiar. Hai que confiar tamén en que podes fallar. A pesar diso segues aí, segues aí, segues aí".

Máis novas de: FERNANDO VAZQUEZ