RCDeportivo RCDeportivo RCDeportivo
Skip to main content
GL

Gardado, Coloccini e Aouate, citados polas súas seleccións

Os deportivistas Andrés Gardado, Dudu Aouate e Fabricio Coloccini foron convocados para dous partidos coas súas respectivas seleccións, México, Israel e Arxentina, a próxima semana.

Así, o Combinado Mexicano medirase en dous amigables a Nixeria en Cidade Juárez (México) o vindeiro domingo 14 de outubro e a Guatemala o mércores 17 de outubro en Los Ángeles (Estados Unidos). O futbolista terá que incorporarse á concentración do equipo que prepara Hugo Sánchez o luns 8 de outubro, tras o partido do Deportivo en Sevilla.

Pola súa banda, Israel, con Dudu Aouate como unha das súas estrelas, se
enfrontará o sábado 13 de outubro a Croacia en partido clasificatorio para a Eurocopa de 2008 e a Bielorrusia o mércores 17 en Israel nun choque amigable.

Por fin, Coloccini medirase con Arxentina a Chile en Buenos Aires o vindeiro sábado 13 de outubro e a Venezuela en Maracaibo o martes 16. Ambos os encontros son clasificatorios para o Mundial 2010 de Sudáfrica.