-Foto:@https://x.com/AUFfemenino
A xogadora do Dépor ABANCA Espe Pizarro está concentrada coa selección uruguaia para disputar a Copa América que se xoga en Ecuador.
Desta maneira a nova dianteira deportivista súmase a outra branquiazul, Michi Apóstol con Venezuela, no principal torneo de seleccións de América.
Os rivais de Uruguai na primeira fase son Ecuador, Arxentina, Perú e Chile.
O primeiro partido da futbolista branquiazul será fronte a Ecuador este venres 11 de xullo ás 19:00 (hora local, 2:00 do sábado 12 en Galicia).
O calendario de Espe Pizarro nesta Copa América é o seguinte:
Primera Fase
Venres 11 de xullo
19:00 (hora local, 2:00 do sábado 12 en Galicia): ECUADOR - URUGUAI, no Estadio IDV
Martes 15 de xullo
16:00 (hora local, 23.00 en Galicia): URUGUAI - ARXENTINA, no Estadio IDV
Venres 18 de xullo
16:00 (23:00 en Galicia): URUGUAI - PERÚ, no Estadio IDV
Venres 25 de xullo
19:00 (2:00 do sábado 26 en Galicia): CHILE - URUGUAI, no Estadio Gonzalo Pozo
Os dous primeiros pasan a semifinais mentres que o terceiro pelexará polo 5º posto da competición.
