RCD / NOVAS

Iván Cavaleiro entra nunha primeira lista de 25 xogadores convocados para o Europeo Sub-21

O deportivista Iván Cavaleiro foi incluído esta mañana nunha primeira lista de 25 futbolistas convocados pola Selección Sub-21 de Portugal para disputar a Fase Final do Campionato de Europa da categoría, que se celebrará na República Checa do 17 ao 30 do próximo mes de xuño.

01/06/2015 14:13

Por conseguinte, o atacante branquiazul incorpórase hoxe luns á concentración do equipo, na localidade lusa de Rio Maior.
 
O vindeiro domingo 7 de xuño, Rui Jorge, seleccionador luso, fará pública a convocatoria definitiva de 23 xogadores.
 
O calendario da Primeira Fase de Portugal é o seguinte:
 
-Xoves 18 de xuño: INGLATERRA - PORTUGAL
-Domingo 21 de xuño: ITALIA - PORTUGAL
-Mércores 24 de xuño: PORTUGAL - SUECIA
 

As semifinais disputaranse o 27 de xuño; o partido polo terceiro e cuarto posto, que decidirá unha praza olímpica, o 28 de xuño; e a gran final o 30 de xuño.
 

Celso Borges prepara xa os amigables de Costa Rica

Por outra banda, Celso Borges atópase xa coa súa selección, Costa Rica, preparando os partidos que disputará nos próximos días. O mediocentro branquiazul permanecerá concentrado ata que finalice a súa participación na Copa de Ouro, cuxos partidos definitivos serán o 18 e 19 de xullo (cuartos de final), o 22 de xullo (semifinais), o 25 de xullo (final de consolación) e o 26 de xullo (final).

 
Antes, Costa Rica disputará estes partidos amigables:
 
-6 de xuño: COSTA RICA - COLOMBIA, en Buenos Aires
 
-11 de xuño: ESPAÑA - COSTA RICA, no estadio Reyno de León
 
-27 de xuño: COSTA RICA - MÉXICO, en Estados Unidos
 
-Copa de Ouro da Concacaf, en Estados Unidos, con este calendario para Costa Rica na Primeira Fase:
 
9 de xullo: COSTA RICA - XAMAICA
12 de xullo: COSTA RICA - O SALVADOR
15 de xullo: CANADÁ - COSTA RICA
 

Canadá cita ao fabrilista Sam Piette



O fabrilista Sam Piette foi convocado por Canadá para disputar dous partidos clasificatorios para o Campionato do Mundo no mes de xuño e a Copa de Ouro da CONCACAF en xullo, en Estados Unidos.

 

Os partidos programados son os seguintes:

-11 de xuño: DOMINICA - CANADÁ (clasificatorio para o Mundial) en Roseau
 
-16 de xuño: CANADÁ - DOMINICA (clasificatorio para o Mundial) en Toronto
 
-Copa de Ouro da Concacaf, co seguinte calendario:
 
9 de xullo: O SALVADOR - CANADÁ
12 de xullo: XAMAICA - CANADÁ
15 de xullo: CANADÁ - COSTA RICA
 
O futbolista deberá incorporarse á concentración da súa selección en Orlando (Estados Unidos) o 7 de xuño, en plena fase de ascenso a Segunda División B do Fabril. Permanecerá concentrado ata que finalice a súa participación na Copa de Ouro, cuxos partidos definitivos serán o 18 e 19 de xullo (cuartos de final), o 22 de xullo (semifinais), o 25 de xullo (final de consolación) e o 26 de xullo (final).

Máis novas de: CAVALEIRO

RCD / Noticias Relacionadas