Luis César repite para mañá sábado en Fuenlabrada a mesma convocatoria que en Santander
O Deportivo encara a visita de mañá sábado 2 de novembro (16:00 horas, Movistar LaLiga 1) ao CF Fuenlabrada no Estadio Fernando Torres con 18 futbolistas, os mesmos que a pasada semana enfrontáronse ao Real Racing Club en El Sardinero.
Quedan fóra da convocatoria por lesión Somma, Luis Ruiz e David Simón. Do central italiano falou Luis César na rolda de prensa previa: "Igual a semana que vén védelo facendo o 80 % do traballo co grupo".
No adestramento desta mañá, cos fabrilistas Mujaid, Boian e Álex Cobo, e após un quecemento con xogos, Luis César dispuxo un exercicio táctico no campo 2 e repaso de accións a balón parado.
O adestrador branquiazul lembrou que non condicionou a preparación do partido pero si "tiven en conta o tipo de xogo que nos vai a propoñer o CF Fuenlabrada, o tipo de campo, as súas dimensións. Estamos a pensar o que fai ben o Fuenlabrada no seu estadio, que é moito".
Os convocados desprázanse a continuación a Madrid, segundo este plan de viaxe:
Venres 1 de novembro 12:15: Saída en autocar, con parada para comer en Ponferrada 19:15 (horario aproximado): Chegada a Alcorcón e aloxamento no hotel NH Alcorcón
Sábado 2 de novembro 16:00: CF Fuenlabrada - Deportivo, no Estadio Fernando Torres de Fuenlabrada Ao concluír, regreso en autocar á Coruña