RCD / NOVAS

Mackay e Miku admiten que "non soubemos xestionar ben os últimos minutos"

01/10/2021 23:52

Ian Mackay e Miku pasáronse pola sala de prensa de ABANCA-RIAZOR concluído o encontro ante a SD Logroñés.

O meta coruñés resalta que no vestiario deportivista "estamos fodidos. Quizá non foi o mellor partido, porque non estivemos ben, pero xa que chegas aos últimos minutos cun resultado favorable aquí en ABANCA-RIAZOR non podes dar pé a que teñan esa ocasión; incluso a de antes que se vai ao tiro cruzado e ao final pois se vai fóra. Creo que teríase que terminar o partido aí, xestionar mellor os últimos minutos. Pasarei este día amolado e a tentar pensar no seguinte partido".

Na súa opinión "non soubemos xestionar ben os últimos minutos. Unha vez que chegues ao final do partido, se cadra hai que acougar o partido, perder máis tempo, acougar ao outro equipo dese momento de euforia para poder empatar; e que se termine o partido".

De #ANOSAFORZA, Mackay comenta que o seu comportamento "foi espectacular. Están a animarnos en todo momenti e ímonos moi amolados por non poder brindarlle a vitoria. Mesmo despois de que nos metesen o gol seguiron animando para que vísemos que non estabamos sós. Só podo ter palabras de agradecemento  porque é para quitarse o chapeu".

Pola súa banda, Miku confesa que "estamos amolados. A sensación é que perdemos dous puntos en ABANCA-RIAZOR. Só queda aprender deste día, sacar as conclusións positivas que haberá, as conclusións negativas que tamén as haberá, repoñer os erros e pensar xa no partido da fin de semana".

O dianteiro venezolano laméntase de que ao Dépor faltoulle " facer o fútbol un pouco máis sucio neses últimos minutos. Refírome a facer máis faltas, que se xogará máis lento, ter máis posesión da pelota, que nos durase máis o balón, porque a perdiamos moi rápido e entón eles enseguida atacaban. Íanse ao ataque con todo porque tampouco tiñan nada que perder. Para calquera rival, vir aquí e chegar ao 85 con 1-0 é un bo partido para eles e para nós non é bo. Ao final a balanza decantouse cun empate que nos deixa un mal sabor de boca. Pero o equipo ten que limpar a mente rápido porque a fin de semana toca outro partido e a liga é moi longa. Esperemos volver encadear vitorias".

Non cre que o equipo se resinta por este resultado: "El adestrador ten as ferramentas para durante a semana ensinarnos en que fallamos o día de hoxe e por que se provocou o empate. O equipo desde a miña perspectiva ten moi boa autocrítica e que cando gañamos 5-0 e encadeamos tres vitorias seguidas non nos criamos os mellores do mundo e que agora que temos dous resultados que non son positivos para os nosos intereses tampouco creo que nos imos a vir abaixo. Sabemos que é unha Liga moi longa".

 

Máis novas de: MACKAY, MIKU