RCD / NOVAS

Manuel Pablo cre que ''para min e para todos os xogadores é especial enfrontarse a Valerón''

Manuel Pablo compareció esta mañana ante os medios informativos na sala de prensa de Abegondo. Confirmó que estaba "ben. Para ver se o míster decide contar comigo na convocatoria". Asegura que "non é fácil entrar nas convocatorias. Hai baixas en defensa pero tentaré entrar".

06/04/2016 21:05

Confesa que o partido deste luns 11 de abril en Riazor ante a UD As Palmas (20.30, Canle + Liga / Abono Fútbol) "é especial para min. Levo toda a vida fóra, a metade da miña vida fóra. Pero eu estiven desde os 9 anos nesa canteira e é moi especial facerme feito alí, debutar como profesional e teño bos recordos alí".

Asume sobre o seu futuro, do mesmo xeito que o de Juan Carlos Valerón, que "xa temos unha idade, cada vez xogamos menos e as posibilidades de continuar son mínimas. É algo do que non nos gusta falar. Vémolo como algo natural e non queremos dalo como unha noticia".

"Creo que vou seguir vivindo, iso espero", chancea Manuel Pablo sobre a próxima tempada.

Di falar con Valerón pero non do partido: "Estamos a xogar á 'play' todo o día, en liña. Pouco máis falamos. Pregunteille polas baixas de William e Jonathan (Vise), que parece que pode chegar".

Asegura que enfrontarse ao 'Fraco' "é para min e para todos os xogadores debería ser algo especial. É un xogador que só tes que fixarche para saber porqué segue xogando, como entende o fútbol, como fai aos seus compañeiros mellores. Para os ollos de calquera futbolista que estea aí, velo debe de ser especial".

Sobre a súa achega esta tempada, apunta o capitán branquiazul estar "decepcionado non, triste. Cando uno non xoga ao final sente triste. Pero eu adestro coma se fóra a xogar o domingo, aínda que sei que as opcións son poucas. Despois chega o fin de semana e estás un pouco máis triste".

Manuel Pablo espera sumar o tres puntos o luns. "Sabemos da importancia diso. Para min contra As Palmas sería especial xogar algún minuto pero depende das circunstancias, de como vaia todo. Pero o principal é que o equipo consiga a vitoria e estar un pouco máis tranquilos".

Máis novas de: MANUEL PABLO

RCD / Noticias Relacionadas

08/07/2016 20:03 |

Manuel Pablo: ''Sempre tentei ser un bo compañeiro, unha persoa que axudase ao Club''

  Coa presenza de todos as súas compañeros, técnicos e empregados, Manuel Pablo puxo fin esta mañana cunha rolda de prensa en Abegondo á súa etapa como futbolista en activo do Real Club Deportivo. Atrás quedan 482 partidos oficiais coa camiseta branquiazul, deles 349 en Primeira División, repartidos en 18 tempadas; e varios títulos oficiais (Campeón de Liga, campeón de Copa do Rei e campeón de dous Supercopas de España).

07/07/2016 22:22 |

Manuel Pablo recibirá a homenaxe do Real Club Deportivo e o deportivismo no Teresa Herrera

  A septuagésimo primeira edición do Trofeo Teresa Herrera, decano dos torneos estivais, que se disputa ante o Vilarreal CF o próximo martes 9 de agosto en categorías feminina e masculina tendrá este añou un aliciente especial. O Real Club Deportivo decidiu render homenaxe nese encontro ao capitán branquiazul, Manuel Pablo, que desde hoxe deixa o fútbol en activo para incorporarse á organigrama técnico do Club.

07/07/2016 11:45 |

Manuel Pablo incorpórase á dirección deportiva do Club

  O Real Club Deportivo e Manuel Pablo García Díaz (Bañaderos, Gran Canaria, 25 de xaneiro de 1976) determinaron esta mañana as funcións que desenvolverá o capitán branquiazul a partir desta tempada 2016-2017 que hoxe comeza. Nesta nova campaña, a decimonovena de Manuel Pablo no Deportivo, o grancanario sumarseá ao área de gestión deportiva do Club deixando a competición en activo.