Daniela Valbuena Ordóñez (Gijón, 6 de novembro de 2007) apontoa o centro do campo do Deportivo ABANCA B en Segunda Federación. Asinou até 2027 con posibilidade de ampliación.
Formada na canteira do Sporting de Gijón, subiu definitivamente ao primeiro equipo sportinguista a temporada pasada no grupo 1º de Segunda Federación. Xogou 30 partidos, 29 deles como titular, e anotou 7 goles converténdose na futbolista con máis minutos disputados do cadro.
O seu debut en Segunda Federación co conxunto asturiano foi na campaña 2023-24. Nesa temporada participou en 11 partidos, 5 deles como titular.
Daniela Valbuena tivo a ocasión de enfrontarse ao Dépor ABANCA o pasado 1 de outubro de 2024, con motivo da segunda eliminatoria de Copa de la Reina disputada en Mareo.
A nova futbolista branquiazul saltou ao céspede após o descanso nun partido que acabaron gañando As Nosas.