Mostrouse preocupado porque se o equipo descende, "a situación é complicada. Sabemos a esixencia que hai en salvar ésto". Cre que o equipo "perdeu fluidez que tiñamos os últimos partidos, aínda que ás veces non tiñamos resultados. En Valencia vin a un equipo con medo e o outro día un equipo sen fluidez. É o que temos que recuperar".

Confesa sentir o pasado partido ante o Espanyol "un ambiente raro" en Riazor. "Non creo que sexa o mellor para ninguén. Nós tamén somos culpables desa situación. Se as cousas fosen mellor está claro que todo se podería ver doutra maneira. Pero é difícil. Temos que ir todos da man e render contas ao final dos partidos e ao final da tempada. Se non é unha situación difícil para todos".

Insiste en que "estamos nunha situación na que o Deportivo está en perigo. Repercute en todos. Imos pasar este período e ao final de tempada pódense render contas. O momento é difícil para todos e o mellor é estar o máis unidos posible".

Opina que "a desunión é total. Non imos a ningún lado. Ninguén vai saír gañando nesta pelexa de enfrontamentos. E o peor é para o Club".

Por iso, subliña que o que lle corresponde ao persoal é "o primeiro gañar. Gañar ou polo menos ofrecer sensacións positivas. Nese período que parecía que pasaba a marusía, o equipo atopouse mellor, xogou. Somos os principais culpables".