Medunjanin: Temos que crer na salvación. Temos equipo para salvarnos
Haris Medunjanin aseguró en rolda de prensa en Abegondo que "temos moi bos adestramentos. É a primeira vez que adestramos forte en todo o añou. Se queres estar ben, tes que adestrar ben. Después dun adestramento estamos todos mor
Cre o internacional deportivista que o choque de Anoeta serviu "para mostrar á xente que sabemos xogar ao fútbol. Sabemos estar como un equipo. Falta aínda moito por mellorar. Temos que mellorar cada día".
Desvela que Víctor Sánchez do Amo "ten todo preparado. Estamos todo o día vendo vídeos e preparando o partido contra o Atlético de Madrid. Temos claro como temos que xogar".
Medunjanin insiste en que "temos que crer na salvación. Temos equipo para salvarnos e este míster que veu agora ten un plan claro do que quere facer. Temos aínda seis partidos, sete, pero sen contar ao do Barcelona. Creo neste plan que el ten. Se os xogadores están concentrados, e queren traballar para o equipo, podemos mellorar moito".
Cualifica de moi "difícil" o partido deste sábado en Riazor (18.00 horas) ante o Atlético de Madrid, "porque xogamos contra o campión da tempada pasada. Todos saben como xoga. Tiveron un partido contra o Real Madrid e se cadra están cansos. Pero teñen moitos xogadores que poden xogar. Para nós é importante non perder este partido, sumar puntos".
