Segunda e última mañá a de hoxe martes dedicada a test médicos e físicos para o primeiro cadro masculino do RC Deportivo.
O grupo de futbolistas que onte luns 7 de xullo pola mañá quedou en Abegondo, pasouse polo Hospital Quirónsalud A Coruña, para ser sometido a un electrocardiograma e ecocardiograma a cargo do doutor Fernando García, cardiólogo do hospital de referencia do Club.
E, pola súa banda, o outro grupo de xogadores que onte si acudiu ao Hospital Quirónsalud A Coruña, permaneceu hoxe na Cidade Deportiva para as valoracións funcionais, medicións antropométricas e revisión a cargo do podólogo do Club.
Pola tarde, a partir das 18:00 no recentemente estreado campo 2 da Cidade Deportiva, Antonio Hidalgo dirixirá a segunda sesión desta pretemporada.
