RCD / NOVAS

Natxo González lembra que a liga "é unha batalla até o último segundo"

02/02/2019 23:18

Natxo González manifestou na sala de prensa de ABANCA-RIAZOR que esta noite ante o CD Tenerife "non estivemos ben, non estivemos cómodos, con moitos erros nas entregas, nos controis. Moitas imprecisións. Loxicamente non estás contento".

O técnico branquiazul engade nesta liña que "nos faltou velocidade e precisión. Empezamos xa o partido moi imprecisos. A nivel individual, no canto de ir crecendo ante a adversidade, fómonos facendo pequenos en moitas cousas".

Insiste en que "xa vedes o que custa a todo o mundo gañar. Isto é unha batalla até o último segundo. Non pensemos que o Dépor vaise pór primeiro e vai subir faltando 8 xornadas. Non é real. Era unha boa oportunidade que desaproveitamos. Oxalá a puidésemos aproveitar".

Quere transmitir "tranquilidade, estar aí, que hai pedras no camiño. Isto é a regularidade. Non gañamos, tampouco perdemos. Cando non estás ben, polo menos que non perdas. Esa regularidade fai, é a que fai que poidas conseguir os obxectivos".

Pola súa banda, José Luis Oltra, adestrador do CD Tenerife, indicou que o seu equipo "competiu sensacional nun campo moi complicado. E seino porque o vivín. De feito o Dépor non perdeu no que vai de campionato. Ten un equipo incrible, ben traballado, que sabe ao que xoga perfectamente. E nós hoxe primeiro desde a orde e desde o traballo habémolos coas mans atadas. Xeráronnos moi poucas ocasións de gol. E logo sen renunciar a xogar ao fútbol".

O exentrenador deportivista resalta que "nun campo tan complicado, ante un rival tan importante, competir como o fixo o CD Tenerife, con esa xenerosidade no esforzo, con esa paixón, esas axudas, ese compromiso, sen renunciar, xogando bastante ben, tendo o balón con criterio, tentando chegar, sendo a terceira semana que deixas a porta a cero, ante 2 equipos da parte alta, é para irse satisfeitos e contentos co labor do equipo".

Máis novas de: NATXO GONZÁLEZ