Finalizado o partido ante o Rayo Vallecano na Cidade Deportiva Fundación Rayo Vallecano, o Deportivo ABANCA emprendeu viaxe de regreso por estrada á Coruña.
Manu Sánchez, técnico branquiazul, citou aos seus futbolistas de novo en Abegondo mañá luns 1 de marzo ás 17:30 para unha nova sesión de adestramento.
Este mércores 3 de marzo hai partido ligueiro. O Deportivo ABANCA recibe en Abegondo ao Sporting Huelva (18:30, Vamos), en partido correspondente á 17ª xornada que foi aprazado o pasado 27 de xaneiro por un positivo de COVID-19 no conxunto andaluz.
