RCD / NOVAS

O Dépor arrancou esta tarde a semana de adestramentos entre a sala de vídeo, o ximnasio e o céspede

15/10/2019 20:20

O Deportivo arrancou esta tarde a semana de adestramentos previos ao partido deste domingo 20 de outubro (16:00 horas, #Vamos) ante o Málaga CF en ABANCA-RIAZOR.

Aínda sen os 4 internacionais (Gaku, Montero, Lampropoulos e Mollejo) e con 5 futbolistas con adestramento específico (David Simón, Somma, Koné, Luis Ruiz e Salva Ruiz, este cunha molestia nos isquiotibiais), Luis César contou neste primeiro día semanal cos fabrilistas Boian, Gandoy, Valín, Martí Vilà, Javi Sánchez e Bourdal.

Os futbolistas, baixo unha intensa choiva, realizaron no céspede rondos; unha tarefa de posesión; e, só para os que non actuaron de inicio ante a UD Las Palmas, fútbol en espazo reducido, de alta intensidade.

A tarde comezou para todo o cadro na sala de vídeo e continuou no ximnasio cun exercicio de forza antes de saír ao campo.

Mañá mércores haberá dobre quenda: 10:30 e 17:00 horas, en ambos os casos na Cidade Deportiva.

RCD / AXENDA

28 SET

Luns 10:00 Abegondo

Adestramento

Campos 1-2-3

30 SET

Mércores 18:00 ABANCA-RIAZOR

Deportivo - CSD Arzúa

Porta pechada

03 OUT

Sábado 19:00 As Eiroas

Bergantiños FC - Deportivo

 

10 OUT

Sábado 18:00 La Devesa

Deportivo - Valladolid Promesas

Bembibre