O Fabril disputou esta mañá (1-1) no campo principal de Abegondo o seu segundo amigable desta pretemporada. Esta vez o rival foi a SD Compostela, equipo que militará co primeiro equipo branquiazul no subgrupo A de o grupo 1º de Segunda División B.
Esta circunstancia provocou que Fernando Vázquez e algúns dos seus futbolistas presenciasen este amigable na bancada principal do complexo branquiazul.
O Fabril deu a cara ante un rival de superior categoría con 4 xuvenís nas súas filas tanto na primeira metade como na segunda.
Do mesmo xeito que sucedeu o pasado sábado en Carballo, Juan Carlos Valerón, técnico fabrilista, repartiu minutos entre todos os seus xogadores dispoñibles.
O tanto do Fabril foi obra de Javi Sánchez nos compases iniciais do partido.
Fabril: Alberto, Isra, Javi Sánchez, Mosquera, Villares, Boedo, Barba, Trilli, Cambón, Álex e Yuste. Tamén xogaron: Guille, David Suárez, Iván Guerreiro, Kanouté, Noel, Pescador, Prendes, Peke, Sarmiento e Guedes.
A próxima cita de pretemporada será o sábado 3 de outubro (18:00 horas) no campo Alcalde Manuel Candocia das Somozas ante o UD Somozas. Ambos os equipos enfrontaranse na 1ª xornada de liga no mesmo escenario, o 17 ou 18 de outubro.
A pretemporada da Fabril marcha así:
Bergantiños FC 0 - Fabril 0
Fabril 1 (Javi Sánchez) - SD Compostela 1
UD Somozas - Fabril, o sábado 3 de outubro ás 18:00 no campo Alcalde Manuel Candocia das Somozas
