O Real Club Deportivo e Rubén de la Barrera acordaron rescindir a vinculación contractual que mantiñan vixente até o próximo 30 de xuño para que o adestrador coruñés poida iniciar xa o seu próximo proxecto profesional.
O Real Club Deportivo quere reiterar, como xa fixo persoal e publicamente, a Rubén, José Manuel Martínez Paz 'Secho' e Julio Hernando as máis sinceras grazas polo traballo desenvolvido estes meses na Coruña e desexarlles as mellores sortes nos seus futuros desafíos.
