RCDeportivo RCDeportivo RCDeportivo
Skip to main content
GL
PORTADA

O Real Club Deportivo e Blas acordan pechar a actual etapa xuntos

O Real Club Deportivo e o lateral coruñés Blas Alonso Pena chegaron esta tarde a un acordo para pór punto final á relación entre ambas as partes. Tanto o xogador como o Club entenden que esta é a mellor situación para o futbolista.

O Deportivo quere agradecer moi sinceramente a Blas a entrega e o traballo desenvolvido durante todos estes anos na canteira de Abegondo, chegando a converterse nun dos xogadores importantes do Fabril nas últimas temporadas, así como desexarlle o mellor nos seus futuros retos profesionais, deixando abertas as portas a un deportivista da que sempre será a súa casa.