Miku foi sometido esta mañá a probas médicas no Hospital Quirónsalud A Coruña para coñecer o alcance exacto das molestias que sufriu onte no partido de Copa de SM O Rei ante o CD El Ejido.
Os Servizos Médicos do RC Deportivo comprobaron que o dianteiro deportivista sofre unha lesión muscular no seu aductor da perna dereita.
Por conseguinte, Miku estará uns días con tratamento médico e de fisioterapia. A medida que a súa evolución o permita, comezará o seu proceso de readaptación física co readaptador do primeiro equipo Fran Molano; como paso previo ao seu regreso aos adestramentos co grupo.
