Pablo Álvarez sufriu no segundo tempo do partido ante o Barcelona en Riazor unha microrrotura na musculatura da cara posterior da coxa, concretamente no terzo medio-distal. O futbolista inicia un proceso de fisioterapia no seu lugar de descanso. En dous ou tres semanas os médicos estiman que a lesión estará superada.
Pola súa banda, Antonio Tomás retirouse do adestramento do equipo o pasado venres cunha pequena rotura no interior da cicatriz do terzo medio do recto anterior do cuádriceps dereito. Estará uns días con tratamento de fisioterapia no seu lugar de descanso e, nun prazo de dous a tres semanas, iniciará un plan especial de rehabilitación.
