-Foto:@https://x.com/AUFfemenino
A xogadora do Dépor ABANCA Espe Pizarro (na foto de pé a segunda futbolista comezando pola esquerda) está concentrada coa selección uruguaia con motivo da Copa América que se xoga en Ecuador.
Desta maneira a nova dianteira deportivista súmase a outra branquiazul, Michi Apóstolo con Venezuela, no principal torneo de seleccións de América.
Os rivais de Uruguai na primeira fase son Ecuador, Arxentina, Perú e Chile.
O primeiro partido da futbolista branquiazul foi precisamente fronte a Ecuador esta pasada madrugada en Galicia.
Espe Pizarro seguiu desde o banco o choque, resolto cun agridoce empate final a dous goles porque Uruguai ía gañando 2-0 no minuto 70.
A próxima cita para a nova dianteira do Dépor ABANCA será o martes 15 de xullo ás 23:00 en Galicia (16:00 en Quito).
O calendario de Espe Pizarro nesta Copa América, cos resultados dos xa xogados, é o seguinte:
Primeira Fase
Venres 11 de xullo
ECUADOR 2 - URUGUAI 2
Martes 15 de xullo
16:00 (hora local, 23.00 en Galicia): URUGUAI - ARXENTINA, no Estadio IDV
Venres 18 de xullo
16:00 (23:00 en Galicia): URUGUAI - PERÚ, no Estadio IDV
Venres 25 de xullo
19:00 (2:00 do sábado 26 en Galicia): CHILE - URUGUAI, no Estadio Gonzalo Pozo
Os dous primeiros pasan a semifinais mentres que o terceiro pelexará polo 5º posto da competición.
