- Foto: @SeFutbol -
Tere Abelleira, de novo no once inicial de España, impúxose a Islandia (3-0) na segunda xornada do Torneo Elite do Campionato de Europa Sub-17, que se celebra en Portugal desde o pasado domingo 26 de marzo ata o vindeiro luns 3 de abril.
Con este resultado, a Selección Española clasifícase para o Campionato de Europa da categoría que se xogará na República Checa.
A capitá do Deportivo Abanca foi substituída no minuto 75 de encontro por Rosa Márquez, practicamente co partido sentenciado. Gozou Tere Abelleira dunha gran oportunidade, á media hora de xogo, cun lanzamento de falta que se foi fóra por pouco.
O pasado martes, na primeira xornada, España goleou a Portugal (6-1), nun partido que quedou resolto na primeira metade. Tere Abelleira, tamén titular, foi relevada no descanso por Anna Torrodá.
O vindeiro domingo 2 de abril, España mídese a Suecia no Estadio Nacional de Cruz Quebrada, nun choque xa intranscendente.
O calendario e os resultados da Selección Española é o seguinte:
Martes 28 de marzo
ESPAÑA 6 - PORTUGAL 1
Xoves 30 de marzo
ESPAÑA 3 - ISLANDIA 0
Domingo 2 de abril
16:00: SUECIA - ESPAÑA, no National Stadium de Cruz Quebrada
