O dianteiro deportivista ve ao equipo branquiazul "moi motivado e creo que vai ir ben".
Toché asegura que "nós saímos sempre a gañar independentemente do que fagan os demais. Hai que tentar gañar este domingo, que é importantísimo, e que nos pode dar case o ascenso".
O pasado domingo en Vitoria, Toché volveu gozar de minutos tras a súa lesión muscular que o apartou do equipo. "Eu traballo igual. Un lesiónase, o que entra faino ben, aproveita a súa oportunidade e agora son eu o que teño que esperar. Agora Borja está a meter. Creo que os de arriba estamos a ter unha competición bonita e é positivo para o equipo", explica.
