Luis César dispuxo esta chuviosa e fría mañá un partido 11 contra 11 no campo 2 da Cidade Deportiva.
O técnico deportivista, como é habitual, parou constantemente o xogo e impartiu instrucións aos seus futbolistas, de cara ao encontro deste domingo 10 de novembro en ABANCA-RIAZOR ante o Elche CF (12:00 horas, Movistar LaLiga), en partido correspondente á 15ª xornada en LaLiga SmartBank.
A mañá arrancou na sala de vídeo e continuou no campo 3 cun quecemento, paso previo ao exercicio principal do día, que se desenvolveu baixo unha intensa tromba de auga.
Con David Simón e Luis Ruiz á marxe, adestráronse hoxe co primeiro equipo os fabrilistas Álex Cobo, Valín e Mujaid.
Mañá venres haberá un novo adestramento do primeiro equipo, a partir das 11:00 horas en Abegondo.
