-Quizais non sexa unha boa semana para pensar na remontada.
-O certo é que con rivais de máis entidade xogamos mellor

-¿Será un partido especial o do Camp Nou polo feito do seu pasado barcelonista?
-Desde logo é un campo bo e con sentimentos especiais para min.

-¿Está xa ao cento por cento?
-Si. Superamos a esa gripe. Estou totalmente recuperado.

-¿Débelle algo a alguén no Barça?
-Eu o que lle debo é ao Deportivo, por confiar en min e darme a oportunidade de xogar en Primeira División.

-Actualmente, o Dépor é o terceiro peor equipo da liga.
-Dóenos vernos aí atrás. Nós somos os que temos que sacar ésto adiante.

-O último partido, ante Osasuna, foi máis ben malo.
-Non se que nos puido pasar, pero non nos saíu nada ben. Temos que esquecernos canto antes e corrixir erros.

-Tanto o Presidente como o adestrador déronlle ao persoal esta semana un pequeno tirón de orellas.
-Nós mesmos cando acabou o partido ante o Osasuna démonos conta que xogando desta forma non iremos cara arriba.

-¿Hai ansiedade no vestiario?
-Hai preocupación. A ninguén lle gusta estar abaixo na clasificación.

-A tenor do visto ante Osasuna, algo falla.
-Nós somos os primeiros en recoñecer que non fixemos nada ben. Hai que cambiar moito.

-Seguro que na quiniela desta semana, vostede xógase un un.
-Mentira. Podemos facerlles moito dano, aínda que é moi complicado. Tendo o balón podemos crear ocasións de gol.

-Falla a formulación.
-Nós tratamos de xogar igual en casa que fose. O noso estilo sempre é o mesmo, sempre co balón.

-Un dos futbolistas máis discutidos no Barça é Ronaldinho.
-Non son quen para opinar, posto que hai ano e medio que xa non estou alí. Pero desde logo Ronaldinho sacou ao Barcelona adiante e desde que chegou el, o equipo sempre foi cara arriba.