Víctor Fernández cualifica o partido de ''moi nervioso, tolo, con moitas idas e voltas''

Cre o técnico deportivista que "nós chegamos con claridade e será por algo.E se eles chegaron con claridade será por algo. Os dous demos moitas facilidades defensivas". 

 

A xuízo de Víctor Fernández, a clave foi chegar ao descanso con 1-1 no marcador, despois dun primeiro tempo no que "xogamos moitísimo mellor que eles. O segundo foi un carrusel de partido moi aberto. Nós non fixemos nada ben os repregamentos defensivos, non nos pechamos ben. Ao final nese nerviosismo, nese ida e volta, saímos perdendo nós".

Pola súa banda, Unai Emery, adestrador do Sevilla, cualificou o partido como "moi bonito para o espectador, de moitas emocións, pero que ninguén as quere cando son contrarias. Estamos contentos pero con contención, porque sabemos que temos que mellorar aspectos".