RCD / NOVAS

Víctor Fernández pide facer ao Barcelona ''un partido incómodo''

Víctor Fernández cre que o partido de mañana domingo (19.00 horas) en Riazor ante o Barcelona é "unha moi boa oportunidade para nós de demostrar que estamos no bo camiño, que estamos a crecer, que futbolísticamente temos moitas respostas nos partidos. E también é un bo momento para demostrarnos a nós mesmos que nunca nos rendemos, que temos as nosas opcións, que sabemos que temos que defender moi forte , e xogar moi xuntos, e ter moita paciencia, pero que debemos propor ofensivamente".

17/01/2015 17:17

Advirte Víctor que "sempre que sexa sumar contra o Real Madrid ou o Barcelona é sempre bo. Outra cousa é que a miña intención sexa a de gañar. A configuración do equipo é para gañar. Sabemos que temos que defender moi ben. Sabemos que nos enfrontamos a un equipo dominante, que che vai gañando terreo e que a maioría dos partidos acaban xogando os 20 futbolistas nas inmediacións da área defensiva rival. Aí é onde vive o Barcelona. Pero teño claro que temos que propor tamén en ataque. Temos que defender moi forte, moi xuntos. Temos que facerlles un partido incómodo. Pero se queres sacar un resultado positivo, tes que propor".
 

Pola súa banda, Luisinho, tamén en rolda de prensa, solicita xogar "xuntos. Porque se o facemos así, o equipo é máis forte, máis compacto. E ao contragolpe darlles unha sorpresa".

Cre o lateral zurdo que "non podemos pensar só en defender. Temos que ter o balón. Hai que conseguir roubarlles o balón e nun contragolpe facer dano. Hai que pensar que o partido ten 90 minutos e en calquera momento pode haber unha sorpresa".

Insiste Luisinho en que "hai que saltar ao campo a disputar o partido. Somos once contra once. Respectamos ao Barcelona como todos os equipos, pero o Deportivo vai saltar ao campo a disputar tamén".

Máis novas de: LUISINHO, VICTOR FERNÁNDEZ