O Dépor inicia mañá martes 20 de maio os adestramentos previos á visita ao Real Zaragoza, prevista para este domingo 25 de maio ás 18:30 (LaLiga TV Hypermotion) en La Romareda, correspondente á 41ª xornada (penúltima) en LaLiga Hypermotion.
Os resultados da pasada xornada, coa derrota ante o Granada CF, deixaron a Os Nosos na 13ª posición con 53 puntos.
Sergio Escudero insistiu na zona mixta de ABANCA-RIAZOR que, co obxectivo cumprido hai semanas da permanencia, "non nos podemos deixar ir".
Así mesmo, Óscar Gilsanz subliña que "para min como adestrador e para todos os xogadores, pór a camiseta do Dépor cada semana non fai falta máis aliciente, máis motivación que esa".
O corpo técnico dispuxo de 5 sesións de traballo, 4 matinais en Abegondo e a do sábado 24 de maio, vespertina na Cidade Deportiva do Real Zaragoza.
A planificación semanal, sempre susceptible de sufrir variación por razóns técnicas, é a seguinte:
Martes 20 de maio
11:00 h., Abegondo
Mércores 21 de maio
11:00 h., Abegondo
Xoves 22 de maio
11:00 h., Abegondo
Venres 23 de maio
11:00 h., Abegondo
Sábado 24 de maio
18:30: Cidade Deportiva do Real Zaragoza
